上次ACIC x Konagroo 合作分享喺澳洲升學揀科嘅小tips畀Roodies！除咗考慮自己心儀嘅科目，下一步就要考慮去邊個地方留學🙊。一般香港人都會選擇去啲主要用英語嘅國家留學，希望透過外國升學，體驗外國生活從而提高英文水平。而正正澳洲就係以英文為主要語言嘅國家， 所以都成為港人熱門升學國家之一🤩。 今次就一於聯乘ACIC同大家講多啲喺澳洲留學嘅好處啦！
仲有擁有33年經驗嘅澳洲本地升學移民專家—ACIC提供澳洲升學申請流程同情景例子畀考慮緊嚟澳洲讀書嘅Roodies做參考！等Roodies可以考慮更多澳洲嘅優勢，輕輕鬆鬆咁過嚟澳洲升學或者移民🥳🥳！
想知澳洲有邊4大留學好處？就繼續睇落去啦！
🤔點解要選擇到澳洲留學？
好處1. 地理位置佔優，天然環境提供優質生活
上次同Roodies講到澳洲有得天獨厚嘅清新自然環境，但係其實地理位置先係最佔優勢！澳洲處於南太平洋，相對其他熱門升學國家如英國，加拿大等較靠近香港，香港直飛到澳洲主要城市例如悉尼﹑墨爾本只需大約9個鐘。悉尼/墨爾本同香港時差亦只有2至3個鐘（視乎冬夏令時間），位於西澳嘅珀斯同香港仲要係零時差𠻹😆！（珀斯真係有唔少香港人，唔知會唔會就係同時區有關係呢？）。好似英國倫敦或者加拿大多倫多等等嘅城市，同香港都差唔多有10個鐘以上時差，如果想同香港嘅屋企人、朋友仔傾個電話就要計返時差。如果有短假期想返香港✈️，計返飛行時數，前後都無咗2至3日啦！
除咗地理位置佔優，澳洲天氣好就人人都知，氣候比香港較為乾爽。根據一項國際空氣質量研究（IQAir）數據指出，澳洲三大城市包括墨爾本（#3），悉尼（#4）同首都堪培拉（#8）均上榜全球頭10位最佳空氣城市。 好多有濕疹、皮膚敏感等煩惱嘅朋友嚟到澳洲後都有好轉！有濕疹皮膚等問題嘅朋友都可以考慮移居澳洲㗎！小編喺香港有好嚴重嘅鼻敏感，去咗澳洲讀書之後個鼻都舒服咗好多👃🏻！
加上澳洲係一個接受多元文化而且歡迎移民嘅國家，更加好容易搵到正宗亞洲美食，包括中、日、韓、泰等等，質素同味道都同香港差唔多，仲有機會比香港平💰同更好味！ 而且喺澳洲大城市都好容易搵到香港菜式嘅味道！
澳洲嘅地理位置、天然環境同容易搵到香港口味嘅食物絕對係你揀嚟澳洲留學嘅原因😎！
好處2. 多間優質及受認證嘅教育學院增加閱歷
澳洲總共有11 間大學打入世界排名Top 200 （QS World University Ranking 2021）， 其中5間大學更加名列世界排名Top 50。 澳洲所有提供畀留學生報讀嘅課程必須有Commonwealth Register of Institutions and Courses for Overseas Students (CRICOS) 認證同埋所有高等教育機構必須符合The Tertiary Education Quality and Standards Agency （TEQSA）標準 ，以確保澳洲教育質素。
澳洲好多專業課程都帶有實習機會，例如教育、醫護、 hospitality 等等，實習期間表現良好仲有機會被聘用！而且工作經驗都會受認可㗎！
好處3. Affordable學費及生活費
澳洲大學收費合理而且世界排名唔錯，近期受到疫情影響，各大澳洲院校更紛紛推出多項獎學金。雖然學費會根據唔同科目或者大學而有所調整，但係都有啲課程相對較容易負擔！例如位於悉尼市中心以南68 公里嘅University of Wollongong，全日制3 年Bachelor of Business為例，2021 年每學期學費原為AU$ 15,120 （約HK$ 9萬），香港學生可獲獎學金後以AU$ 10,886.4 (約HK$ 6.5萬)每學期於2021 年入讀。
例子：💼
學校：University of Wollongong 伍倫貢大學
科目： 商科Bachelor of Business (全日制 3 年)
學費： 獲獎學金後香港學生學費為每學期AUD$ 10,886.4/約HK$ 6.5 萬 （2021); 成績優異學生可獲取更多獎學金*
住宿： 學校宿舍由每週AU$ 224 起或自行安排； Wollongong租金相對比悉尼中心低
地區： Wollongong (悉尼以南68 公里) 屬於遍遠地區，可享移民優勢*
*詳情可向ACIC 免費查詢
生活費可根據自己預算嚟調節，以悉尼市中心為例，一份Lunch大約AU$10-15，仲要分量非常充足，大大份有時仲可以分兩餐！當然自己煮飯可以更加慳錢，而且超市每個星期都有唔同discount，生活費又可以慳多筆！
唔同州份同地區嘅治安好壞，聚居人群等都有唔同，最好有熟悉當地嘅人指點一吓。ACIC 專業辦理澳洲留學超過30幾年， 顧問可以根據你嘅預算，為你安排homestay、申請學校宿舍或建議鄰近校區或交通方便嘅住所。
如果同學仔想減輕負擔，可以選擇喺澳洲返工賺生活費。喺澳洲持有效學生簽證允許合法工作每兩星期唔超過40 小時，學期以外時間不設時限。澳洲法定最低時薪為AU$ 19.84 （as of 01/07/2020），如週末時間返工，有啲服務及零售業仲會有1.5 或double pay 𠻹💰！
相比英國， 一般海外大學留學生（學生簽證Tier 4）於在學期間每星期只可以從事不多於10小時嘅兼職工作，而且留學生多數都係喺餐飲業返工。
好處4. 畢業可獲長達5年簽證，香港學生更具優勢！
澳洲上年推出優惠港人政策，延長香港學生畢業簽證至5年並提供移民途徑。相比起持香港護照以外嘅留學生，畢業後仍然只有2年時間工作，仲要為移民努力湊分， 依家嘅香港在澳留學生幸福得多。
就算同學仔無打算畢業後移民澳洲，喺外國讀完書再儲多幾年外國工作經驗先返香港發展，都會更具競爭力。如果有意移民澳洲嘅同學仔，再三建議申請報讀學校時先咨詢專業顧問，規劃好整個升學計劃，以免走冤枉路。
Roodies睇完澳洲升學咁多好處，如果你心郁郁有興趣申請澳洲大學，就可以留意以下澳洲升學流程介紹。
澳洲升學申請流程
澳洲一年有兩大入學時間，分別為秋季（2-3 月）同春季（7-8月），部分學校設有3學期， 例如新南威爾士大學（UNSW）實行3 學期制（trimester）。 比起英國一年主要開學為9-10月，錯過可能要等一年。
情景1： A 同學應屆DSE考生， 計劃2021年下學期到澳洲升學
DSE 考試為4-5月， DSE 放榜日7月21日
參加今年DSE同學仔其實而家就可以開始聯繫ACIC 挑選學校，準備考試同時亦可以提交大學申請。 學生可以向就讀學校申請predicted DSE result 嚟報澳洲大學，可以放榜前獲得大學錄取，輕鬆等放榜。申請澳洲大學所需證明相對其他國家較為簡易，一般香港學生無需提交personal statement 或 financial proof，具體申請文件清單可向ACIC查詢。
情景2：B 同學非應屆DSE考生，計劃2021年下學期到澳洲升學
如你已經讀緊Bachelor 或已完成Bachelor，有意喺下半年升讀澳洲大學Master/PHD等趕上7-8 月（Spring semester）入學， 建議同學而家可以開始籌備，聯繫ACIC進行咨詢同挑選學校。 雖然澳洲學位充足，但部分熱門課程例如Physiotherapy 非常容易額滿，如果額滿的話就要推至下一個學期開學。
如果你打算2022年秋季（2-3月）入學，澳洲大學已經開始接受申請。建議同學們盡早聯繫ACIC 預約免費咨詢。
澳洲升學小TIPS
選擇一個專業可靠嘅中介可以助你輕鬆順利升學讀澳洲大學。澳洲當地升學專家並擁有註冊移民顧問嘅ACIC （Australian College Information Centre）始於1988年，30餘年行業經驗，代理澳洲各大院校包括澳洲八大，提供專業分析，評估入讀成功機會。唔單止幫你挑選合適學校、申請學校同辦理簽證㗎！喺你到埗之後，又未識到任何同學朋友仔前，當地ACIC顧問就會係你到埗後嘅第一支「盲公竹」！生活瑣事例如開銀行戶口、買電話卡plan或者交通卡（好似八達通），直接message 或者打個澳洲本地電話就問到。
ACIC 備有完善嘅系統，會一直跟進你整個澳洲留學過程，從選校、申請、到埗後orientation、開學後適唔適應、畢業前及簽證到期前提示、辦理畢業後簽證、移民或深造等等。 立即click入以下網址，登記預約ACIC為你做一次免費升學咨詢啦！
立即登記預約免費咨詢：https://forms.gle/zvXNFfxcuW5hY3uBA
Follow ACIC
ACIC Facebook：https://www.facebook.com/acicsyd
ACIC Instagram: @acicsydney
記得Follow/Share我哋 Facebook 同 Instagram!!!
IG:@kongaroo_au
FOOD IG: @kongaroo_food
Comments