早係墨爾本Stage 4封鎖剛開始嘅時候，專家們就已經提出過相關憂慮：住係Victoria State嘅居民係封鎖期間嘅精神健康狀況會出現惡化情況。😷 專家們認為，再度推行禁足令會對因長時間接受社會隔離嘅市民造成心理健康不平衡，甚至會引致嚴重後果。佢哋長期處於壓力狀態，與社會脫節，個個都係屋企屈到頹！🤯 有鑑於此，有墨爾本居民自創減壓方法，仲邀請埋隔離左右一齊在家參與🔈。
大叫活動 📢📢📢
近日有位澳洲絲打Tess Roberts係網上發起左一個名為 "企係你屋企前尖叫大行動 ” (Stand and Scream outside on your front porch) ，呢位絲打真係好有心啊! 😏 眼見維州人無得出街成日困住係屋企無所事事，擔心大家經常面對四面牆會屈出病，所以希望可以透過今次活動號召維州一眾街坊係每個禮拜五晚上一齊係屋企發出尖叫，以發洩lockdown期間積壓落黎嘅負面情緒。
睇下呢段影片嘅維州街坊叫得幾咁澎湃，小編完全係佢嘅尖叫聲中感受到lockdown生活嘅辛酸，真係不禁令人更關注居澳人士嘅心理健康問題啊！
(小編建議大家將音量收細先好睇🔊)
黎緊呢個禮拜五繼續會有尖叫大行動，同樣都係墨爾本晚上七點鐘！各位維州街坊如果你有壓力不妨參加一下啦 🗓！
"Stand and Scream outside on your front porch"參加連結: https://www.facebook.com/events/1026303624434560/?active_tab=about
政府措施
當然除左參與尖叫活動等另類減壓嘅活動去發洩同釋放情緒之外，澳洲聯邦政府亦於17日宣布會額外提供3200萬元的資金，係維州建立15間心理健康診所，並進一步加強係疫情期間對市民嘅身心健康援助💰。
根據《The Age》報導，為應對COVID-19帶來嘅一連串社會隔離措施及失業率上升而引致嘅精神健康問題，政府將會係墨爾本和各區中心擴大現有嘅精神健康診所，以支持維州人嘅精神健康。該筆新資金內，有2700萬澳元將係維州建立15個專門嘅心理健康診所🏨，而其中9個會係墨爾本主要嘅地區，另外6個會係維州偏遠地區。
呢類型嘅診所將增加聘請接受過心理健康培訓嘅工作人員，例如心理健康護士、社會工作者、酗酒和吸毒治療嘅工作者以及心理學家。另外仲會提供500萬澳元，用作係病毒蔓延期間為飲食失調等特殊群體提供更多電話及在線心理健康服務💻。
有關報道指出，呢類型嘅診所將設在現有嘅全科醫生診所、headspace中心或者係澳洲市民通常可以獲得一般保健服務嘅其他社區站點。呢啲地點嘅名單將會係未來幾星期內公佈。對此，澳洲總理莫里森（Scott Morrison）表示，對抗COVID-19係維州蔓延嘅同時，亦需要防範疫情對心理健康造成嘅破壞性影響。
小編提提各位Roodies，如果發現你或者你認識嘅fd子，佢哋係精神健康方面響起警號，甚至有自殺嘅傾向，請立即與澳洲各類精神健康熱線聯絡☎️：
其他心理諮詢熱線仲包括：
澳洲協助性翻譯電話：按131電話計時收費，但同聲翻譯服務免費，可接駁任何電話：131450
疫情期間嘅心理健康，需要大家一齊關注！記住多啲留意身邊嘅人動向，比多啲愛與關懷你珍惜嘅人！🙌
記得Follow/Share我哋 Facebook 同 Instagram!!!
IG: @kongaroo_au
Comentários