今次Kongaroo會為大家介紹一個喺Adelaide嘅學生會 - UNISA HKSA。早前我哋為咗深入了解佢哋，仲專程做咗個訪問𠻹！除咗我哋會介紹佢哋嘅莊員之外，訪問仲分為3 part，會講吓佢哋嚟緊嘅寄望、疫情底下搞咗咩活動，仲有啲想分享俾Roodies說話𠻹！嚟緊會去Adelaide讀書嘅Roodies都可以率先過嚟認識一吓同鄉先啊~ 咁到時開學做freshmen都可以淡定啲啦！
1. UNISA HKSA介紹
UNISA HKSA今年係第二年成立，內閣成員總共五個人。本身佢哋五個人私底下都熟，大家成長背景都差唔多，亦都係啱啱嚟到Adelaide。嚟到一個陌生嘅環境，對於佢哋嚟講有一班講廣東話嘅朋友特別有親切感，亦幫助到佢地融入Adelaide嘅生活。當初，佢哋嚟到Adelaide嘅時候都係透過HKSA活動識到一班香港人。UNISA HKSA 就希望可以keep住有呢個傳統或者文化，令更加多啱啱嚟到Adelaide 嘅同學都可以快啲融入呢邊嘅生活！UNISA HKSA 五位成員都係抱住呢個初心去經營呢個association。UNISA HKSA都希望喺UNISA可以繼續有一個宣傳香港文化嘅學生會，所以佢哋五個就決定接莊，以UNISA HKSA嘅身份服務香港留學生同分享香港文化畀唔同國藉嘅同學，幫助留學生以最快嘅速度適應Adelaide嘅生活。上年，UNISA HKSA 同UOA嘅HKSA一齊舉行唔同活動，例如舉辦過開sem飯，運動日同埋camping，而人數都有五十位以上！但由於UOA嘅HKSA仲未有人接莊，所以今年UNISA HKSA 會自己搞唔同嘅活動，佢哋將會嘗試吓搞campfire 希望吸引更多人參加，大家可以期待！
介紹一下Unisa HKSA 5位莊員
1. Toby Leung
讀緊Aviation Year 1，喺HKSA入面擔任President, representative of HKSA 同埋 leader of executive committee 。
Toby參加過上年HKSA舉辦嘅sport day 同埋summer camp。
Toby成為executive comittee係希望可以係管理同埋舉行活動方面拎多啲經驗。
2. Jacqueline Lau
讀緊Physio year 2，喺HKSA入面擔任VP, communicating with UNISA Students Association同埋delegation 。
Jacqueline參加過上年HKSA舉辦嘅summer camp, sports day 同埋開sem飯。
Jacqueline成為executive comittee希望可以透過HKSA舉辦唔同活動去識新朋友。
3. Cherry Cheng
讀緊Aviation year 2，喺HKSA入面擔任 Financial secretary 。
Cherry參加過上年HKSA舉辦嘅sport day 同埋summer camp。
加入HKSA，Cherry希望可以豐富自己嘅大學生活同埋舉辦活動拎多啲經驗。
4. Kudo sun
讀緊 aviation year 1 ，喺HKSA入面擔任 GS。
Kudo參加過上年HKSA舉辦嘅 summer camp,sports day同埋mahjong competition 。
加入HKSA，kudosun希望可以增加喺大學成為leader嘅經驗同埋可以識唔同嘅新朋友。
5.Michael Ho
讀緊Aviation Management year 1。喺HKSA入面擔任publicity officer主要負責設計poster同埋管理IG acc。
Michael認為HKSA比到一個機會佢認識香港人。畢竟新到一個陌生既環境，都希望識到有相同成長環境既自己人。而透過參加HKSA活動可以更快融入澳洲既生活。
正正因為Michael都係HKSA識到一班好朋友，所以佢好想繼續延續HKSA，等更多新嚟既freshmen都可以體現到同香港一樣既溫暖。亦都希望透過籌辦活動嚟磨練自己，提升自己既待人處事能力。
2. UNISA HKSA嘅寄望
由於UNISA HKSA今年成立第二年，自由度比較大，勇於嘗試舉辦唔同嘅活動。例如，喺招member方面，UNISA HKSA會向唔同國籍嘅同學交流，去吸引佢哋同埋宣傳香港嘅文化。 UNISA HKSA宗旨好簡單，就係喺大學推廣香港文化同時希望凝聚係Adelaide既香港人。Adelaide唔多香港人，佢哋好希望香港人係外地都可以有家既感覺。加上Adelaide係一個小城市，人與人之間既距離可以好近，所以更加希望凝聚一班香港人。加上佢哋都十分歡迎唔同學校嘅國際學生，希望透過同其他國籍既同學交流，將香港文化帶畀佢哋。同時亦締造唔同機會從而畀我哋香港學生認識更多唔同既人甚或外國人。
3. UNISA HKSA喺疫情底下有咩搞？
上年由於疫情關係，出現唔同嘅限制，令到好多已經plan好咗嘅活動都被迫取消，改為online events。今年，由於澳洲疫情逐漸緩和，而且都冇咁多限制，UNISA HKSA舉辦活動都會方便好多，可以預先plan定唔同嘅events畀各位members參加！但由於澳洲仲係封關狀態，令到好多freshmen都嚟唔到，UNISA HKSA就舉辦唔同嘅online events畀而家係香港嘅members。同時，UNISA HKSA都會喺Adelaide舉行face to face活動畀留喺Adelaide嘅members，確保每位member都有份參與HKSA嘅活動！另外，喺疫情底下，為咗令同學更容易適應喺Adelaide嘅生活，UNISA HKSA會介紹喺Adelaide嘅鐵路網，介紹點樣可以到達唔同大型嘅景點或者地方。同埋UNISA HKSA會介紹點樣用Adelaide嘅metro card，以及購買必需品嘅地方，希望同學更加容易適應Adelaide嘅生活。
UNISA HKSA啱啱係星期五就舉辦咗今年既第一個活動 - 開sem飯。其實佢哋早係一個月之前就開始籌備，加上學校申請活動既步驟都比較繁複，所以佢哋都要提早book定餐廳問埋價錢同寫budget plan等等。去到當日佢哋準備咗每枱有七餸一湯，亦有抽獎既環節。喺食飯既期間佢哋都加入咗兩個小遊戲，畀每一枱既參加者都可以玩下識下朋友。
好開心最後佢哋都有56個參加者參與今次活動，畀咗UNISA HKSA莊員好大既支持。其實佢哋大部份既莊員都冇籌辦活動既經驗，儘管開頭佢哋都係有d手忙腳亂，但大家都可以即時補上糾正返。有勞所有莊員同心協力，先可以咁成功舉辦到今次活動。同時都要好多謝所有參加活動既同學，係大家相輔相成先可以令今次活動成功！！
4. 最後UNISA HKSA想同你哋講
由於交通網絡唔係太發達，UNISA HKSA建議同學可以考車牌。UNISA HKSA覺得係Adelaide生活識揸車係好重要。雖然係city內既交通尚算方便，大部份既地方都有免費既tram去到。但如果住喺city出面或者要出city既話識揸車就方便好多。因為Adelaide既巴士同train既班次都好疏，加上站同站之間都隔得比較遠，通常落車之後仲要行一段路先到目的地。如果係由suburb去suburb 好多時都要入左city再轉車出去，咁樣就好浪費時間。試過有地方揸車只須30分鐘，但如果搭公共交通可能要個半鐘。所以UNISA HKSA十分建議有意嚟Adelaide讀書嘅同學可以係香港考定車牌過嚟，因為香港P牌已經可以直接係呢度揸車，咁樣出行就會方便好多！
記得Follow/Share我哋 Facebook 同 Instagram!!!
IG: @kongaroo_au
コメント