2021年4月18日讀畢需時 2 分鐘

【暢遊西澳】🇦🇺珀斯隱藏小倫敦 - London Court

而家全球唔少地區疫情仍然持續，各位親愛嘅Roodies仲未可以去其它國家旅行😔。小編相信熱愛旅遊嘅港人呢刻一定好掛住可以四圍走嘅日子，所以我今次會為大家帶嚟一個充滿異國色彩嘅珀斯hit爆打卡景點 - London Court 🤯🤳！擁有一副旅遊靈魂嘅Roodies緊記切密錯過呢篇珀斯熱門打卡景點介紹啊，save 低等有得去旅行嗰陣就ready好🧳！係時候碌埋落去繼續睇啦😌！

Roodies係咪冇諗過位於熱鬧繁忙嘅珀斯市中心裏面竟然隱藏咗一個同澳洲感覺好似有啲「格格不入」，但就滿佈異國風采嘅建築呢？😏 呢個叫做London Court嘅地標就係今次我預備推薦比Roodies嘅珀斯to-visit-place!

London Court樓高三至四層，係一個集購物和cafes等打卡勝地於一體嘅開放式購物商場，一直以嚟都被一眾Perthians視為係珀斯市中心嘅landmark😤。各位可以睇下佢究竟有乜嘢吸引之處🙊

London Court Arcade

呢個landmark嘅設計參考咗英倫建築風格，好有令人置身喺英國嘅感覺🤓 (如果撇除珀斯嘅天氣)。London Court其實係個一應俱全嘅小型shopping mall，絕對提供咗多一個出city行嘅理由😉。你知啦，喺Perth住耐咗，city又真係冇乜嘢吸引力架嘛😅🙈！ (所以小編只會喺有嘢要買或做嘅時候，先至會出city；平時多數只會passby city）🤣

鋪頭種類同數量都多，啱哂有唔同興趣同shopping target嘅同行家人或朋友一齊行，一定唔會悶親任何一個😽。

@Londoncourtperthfacebookpage

喺呢個拱廊商場，絕對係包羅萬有，有電子產品維修公司、美甲及美容salons、各式男女服裝店鋪、Aboriginals藝術手作店、cafes、書報攤、本地手信禮物店同埋珠寶鐘錶手飾店等等🤗。行London Court之外，有興趣嘅Roodies可以順便去埋隔離同London Court打通嘅商場 - Trinity Arcade㗎🤪。而呢兩個細商場設計風格相若，咁啱齊齊走英倫style😯，Roodies隨時逛逛下街可能會傻下傻下咁走錯咗去隔離商場都話唔埋㗎😂！