澳洲入境流程 & 需申報嘅物品List 🤓📝

2022年3月21日讀畢需時 2 分鐘

📣📣唔知各位Roodies有冇聽過澳洲嘅海關真係出咗名咁嚴格🤓！！🇦🇺因為澳洲本來係一個獨立嘅大陸，為咗防止其他外來物種入侵而影響原生植物生長🌱 或者導致疾疫病害⚠️，澳洲嘅海關真係個個身懷絕技，檢查起上嚟一啲都唔馬虎🔒！例如：海關需要喺唔同粉末之中分別出邊啲係調味料、邊啲係中藥，又要鑒定假貨。如果Roodies 唔小心帶咗違禁品⚠️或者唔記得帶重要入境證明文件📄，輕則就入唔到澳洲境內❌，重則仲要被罰款、拘留或者取消簽證直接遣返。

隨住澳洲開放入境，Roodies要留意以下澳洲入境流程 & 需申報嘅物品List！

1️⃣ 第一步：（出發前）自己嘅行李自己執＋檢查🧳

🇦🇺每次返澳洲，屋企人都會問帶唔帶啲海味、藥材🌿去煲下湯飲呀？一時又塞下呢樣嗰樣，但係親身執喼就要記住有好多嘢都唔可以帶㗎😭！自己執嘅行李自己就最清楚，萬一海關問起就可以準確咁向海關申報所帶物品！小編為大家總結咗一下常見比較重要/容易疏忽嘅「不可帶/需要申報物品」。詳細內容可以去Australian Border Force網站睇睇更多資訊！

2️⃣ 第二步：（出發前）準備入境文件📄

上篇文有講到，而家入境澳洲，手續都相比疫情前多咗，大家記得check清楚所需文件先呀！🧐

入境前準備文件List📝：

持有有效簽證📄
完全接種TGA認可嘅疫苗接種證明💉（搭飛機嗰陣時要提供，英文版或經過專業認證嘅英文翻譯文件）
- 如未接種疫苗，要提供醫療證明同成功申請嘅入境豁免📝🤓
至少喺出發前72小時內完成填寫DPD（Digital Passenger Declaration），上機嗰陣出示電子版或列印版嘅確認郵件📧
提供英文版核酸檢測陰性證明：
- 🛫航班起飛前72小時內嘅PCR核酸檢測陰性證明，或
- 🛫起飛前24小時內喺醫療認可相關人士🥼👩‍⚕️指導下進行嘅RAT快速COVID測試陰性證明
記得檢查入境所在地嘅隔離要求（州或領地政府都有唔同嘅隔離要求），要記得睇自己入境後有冇需要隔離同埋遵守相關防疫政策！

3️⃣ 第三步：過海關-SmartGate✅

入境過海關嗰陣需準備護照和入境文件以備檢查📝～除咗常見嘅人工檢查通道之外，澳洲好多城市嘅機場都已經有SmartGate🖥️，大部分情況下只要你年滿16歲，所持有嘅護照係電子護照（電子護照喺首頁底部有一個小攝像頭標誌），即可使用SmartGate做護照檢查☑️，咁就唔洗排隊等人手Check 啦。香港passport有㗎，所以可以直接去SmartGate減少排隊時間！👍

4️⃣ 第四步：拎行李🧳

過咗護照檢查，就可以去拎行李🧳！！

5️⃣ 第五步：行李檢查和申報物品

過海關嘅最後一步就係行李檢查和申報物品嘅程序啦✔️😊。Roodies 需要帶好自己嘅行李，準備好要交畀海關嘅文件。除非有物品需要申報，旅客都可以沿綠色牌嘅出口入境㗎啦🟩。值得注意嘅係⚠️，大家嘅行李都可能會通過X光機檢查🩻、緝毒犬🐕同埋海關工作人員嘅三重檢查，所以如果冇正確申報或及時扔晒任何具有檢疫危險嘅物品，都有可能會被罰款💰甚至被告上法庭㗎⛓️。