2021年10月21日讀畢需時 3 分鐘

澳洲求職網知多啲 - 網站優勢比較🔍

澳洲係熱門嘅升學同移民國家就講到口水都乾啦😝，之前同MEA Group聯乘分享關於澳洲移民同簽證嘅資訊🗂，大家有冇更想移民去澳洲呢🇦🇺？

相信大家都有更多因素要考慮👀！例如：當地求職機遇💼/ 實習機會等等。大抵都離唔開「搵唔搵到工作去維持日後生活💰」或者「有冇工作機會同自己讀書嘅科目有關🤔」！呢啲都好影響之後融入當地社區生活㗎😉！

今日要同大家分享澳洲多個常用嘅求職網🖥同埋優勢比較👍 👎，如果Roodies 有更好嘅Options/經歷想分享都歡迎留言話畀我哋知㗎！究竟有咩求職網係一定要識嘅呢🤓？一齊繼續睇落去啦！

1️⃣ LinkedIn

有電子卡片之稱嘅全球最大最知名嘅求職社交網👩‍💻！可以方便用家隨時更新自己履歷📃、經常向你推薦你認識或同你有共通點嘅人，係建立professional networking嘅好幫手👍🏻。好多專業人士都會post自己嘅工作相關嘅活動/文章，絕對係Roodies深入了解行業內部嘅途徑之一！而僱主或者企業都可以發佈唔同工作嘅招聘廣告✨。Roodies只需要喺搜尋到輸入想工作嘅州份或地方📍，例如：Southbank,Victoria,Australia 等等就可以搵到近自己地區嘅工作啦！

✅知名求職網站

✅比較多國際企業會喺LinkedIn發佈最新招聘廣告

✅公司HR或獵頭會直接聯繫想要“挖角”嘅人才

✅比較適合應徵長期全職工作

👎🏻

❌Entry-level嘅職位比較少，職位一般係要junior 以上

❌網站上嘅CV質素比較高，競爭較大

2️⃣ Seek & Indeed

相信每個喺澳洲搵過工嘅Roodies都知道Seek 同Indeed🦘。Seek係一個澳洲嘅工作資訊網，總部位於Melbourne🇦🇺，係當地澳洲人No.1 嘅求職網站🌟。

Indeed係一個喺2004年開始於美國推出嘅就業網站，集合咗幾千個公司網站﹑報紙﹑廣告嘅工作職位數據平台。

👍🏻

✅ 工作類型範圍廣泛，招聘公司多數係澳洲中小型公司

✅ 職位所需經驗不限，由entry level 到 senior level ，甚至到manager嘅職位都有，適合任何工作水平嘅人搵工作

✅ 可以按照澳洲州份或地區搵工📍

👎🏻

❌ 呢兩個平台上嘅工作多數有重複

❌ 回復較慢，因為平台太大，申請人數過多，通過Email或網上申請回覆率都較低

類似網站仲有：Jora， Career One，Adzuna，Job Active，Job Search

實習機會：

3️⃣ GradAustralia

GradAustralia由2015年開始正式啟用，係畀學生👩‍🎓搵Interships 或者FreshGrad搵第一份Grad Job 嘅澳洲網站平台。世界Top500公司及中小型公司都會喺GradAustralia招聘實習生，學習範疇更包括多類學科；仲有網上工作體驗同義工機會等等！除咗工作機會之外，仲會發佈「Australia's Top 100 Graduate Employers」睇下邊啲公司最受歡迎🌟！