到底幾時開關啊？🥺 好想快啲返香港，去花園街篤返串魚蛋🍽，瘋狂掃街😋！但係大家又唔洗傷心住，小編幫大家喺澳洲超市搵到亞洲美食，希望可以幫大家解決思鄉之苦🇭🇰。當中有香港街頭小食、耳熟能詳嘅零食品牌同埋煮飯必備嘅調味料😌！大家可以喺兩大澳洲超級市場Coles 同 Woolworths搵到👍🏻。雖然亞洲超市嘅貨品十分齊全，但係唔係每一區都有分店🧐。如果大家想知有咩香港特色食物可以喺澳洲超市搵到嘅，一定要繼續睇埋落去啊。👇🏻
Hanabi Frozen Surimi Fish Balls/ Hanabi Frozen Surimi Fried Fish Balls 魚蛋 🟤
好懷念可以喺香港篤魚蛋嘅日子😭，澳洲好難見到呢啲小食店。好彩Coles 有賣包裝雪藏魚蛋，大家可以自己喺屋企煮♨️🍴！Hanabi 有賣兩款魚蛋，分別係白魚蛋同埋炸魚蛋😍。小編就推薦白魚蛋✨，平時煮即食麵果時可以一齊落埋，即刻覺得返咗香港🤩。Coles正價賣 AU$4，間中會有半價 AU$2⚡️，我就會襯半價果時大量入貨！
如果大家鐘意食炸魚蛋嘅話，可以買Fried Fish Ball再用油炸或者氣炸鍋😚。咁魚蛋就會變得脆卜卜，同街外面買到嘅有幾分相似。😎
Nongshim Gourmet Spicy Shin Ramyun Noodle Soup 韓國辛辣麵🌶
澳洲夜晚好多鋪頭都閂哂，想出去食個宵夜都難啊😭！小編發現Coles 同 Woolworths都有得賣韓國辛辣麵😍 如果突然間夜晚想食宵夜，都可以喺附近嘅超級市場搵到👍🏻。 💰價錢方面，正價 AU $6.5 五包裝，半價就係入手嘅好時期（仲平過香港買）！每次半價貨架上嘅辛辣麵都一掃而空☹️，非常受顧客歡迎。大家唔想錯過優惠嘅話，一定要留意住每週更新嘅超市優惠Catalogue🥰😍。
農心鮮蝦片 Nong Shim Shrimp Meat Chip Shrimp Meat Chips 75g
農心係韓國第一品牌，佢哋嘅鮮蝦片唔知你又食過味呢😍? 鮮蝦片由韓國製造🇰🇷，而且原裝進口澳洲。 到底點解成為零食冠軍王🥇? 首先，蝦片係由新鮮蝦🦐製成，原材料有品質保證。呢款蝦片唔會太鹹，味道鮮香🤤。每塊都係厚切蝦片，口感酥脆🍤。另外，農心承諾零食無添加味精🙌🏻，用蘑菇等天然食物中萃取的天然材料進行調味😽😽。嘩！絕對食得安心又放心。小編平時一邊睇韓劇一邊食韓國蝦片，簡直係口痕嘅最佳選擇🤩！
Mr Chen’s Prawn Hargow 蝦餃
提到香港嘅飲食文化🇭🇰，一定唔少得傳統嘅飲茶🫖。放假同屋企人聚首一堂，一盅兩件, 飲返啖茶, 食個包🫓。喺酒樓飲茶食點心港人必點嘅，就係蝦餃同燒賣😋！今日要同大家介紹一個即食點心牌子- Mr Chen。好食又唔貴，強烈推薦大家買嚟試✨！
第一位就係原味蝦餃，每一粒都好大好足料😱！入面全部都係蝦，完全冇其他配料，所以蝦味超級突出。煮法十分容易，只要蒸八分鐘就搞掂啦。12蝦餃全部都喺人手製造，唔講以為正宗廣式蝦餃🤩。
入面仲附送四包醬油，醬汁偏甜但喺同蝦餃好夾。
蝦餃皮厚薄適中，我覺Mr Chen呢款蝦餃可以媲美酒樓。佢哋有12粒同24粒包裝比大家選擇，價錢分別喺$8.25同$12💰。間中會有半價，好快就會比人搶哂，可見有幾咁受歡迎！
Mr Chen's Frozen Steam Selection Dumplings 9 pack 點心混合裝
另外Mr Chen 點心混合裝可以一次過滿足到我哋幾個願望💎。簡直係懶人恩物，其中包括有蝦餃、蝦肉燒賣同埋姜絲蝦餃。最推薦入面嘅姜絲蝦餃，淡淡姜味又幾過癮😋。
Mr Chen嘅點心標榜使用新鮮海鮮製作而成🦐，真材實料🥢。唔好以為即食點心就唔健康，呢款強調Healthy Meal，當早餐就Fit哂啦😎。再沖埋壺普洱茶🫖，當自己去咗茶樓。💰價錢方面，一盒有九粒AU$7.5 性價比極高！
記得follow/share我地Instagram同Facebook!
Comments