又嚟到開Sem嘅季節啦😻今年嘅大學新生雖然未必嚟到澳洲上堂，但係都有唔少要準備嘅功夫🧳！小編當年開學嘅時候好彩有人提點，所以先冇錯過重要嘅嘢🤫小編今次就整合咗幾點要準備嘅嘢畀Roodies希望輪到你哋開學嗰陣可以順利完成啦🤩！
1. 了解自己Visa🌟
嚟留學嘅Roodies記住要check清楚自己嘅Visa status⚠️: 學生簽證/PR 如果係學生簽證嘅話就暫時返唔到澳洲啦 😞但如果已經拎咗PR嘅話就可以考慮返唔返澳洲campus上堂😺
2. Enrol課程📖
Roodies一定要小心留意報咗嗰科嘅上堂模式🧐，如果咁唔好彩想讀嗰科嘅上堂模式係on campus🏫嘅話就記住聯絡學生服務中心，睇吓有冇其他課堂選擇👀 不過Roodies都唔使太過擔心，因為上學期大部份學校都採取網上教學😗，只有個別例子會要求學生親身到學校上堂。另外值得注意嘅係唔同學科嘅Census date🌟，過咗嗰日之後就轉唔到／報唔到其他科㗎啦。🤯 仲有Re-enrollment date(只限非新生)🌟，如果遲過嗰日enrol就要交遲到費㗎啦！😳 Timetable preferencing亦係斷定Roodies嚟緊半年作息時間嘅事🛌，所以唔想凌晨上堂嘅話🥱就一定要Mark低呢個大日子🗓
3. Check Wifi同VPN🌐
大學一定有好多Assignement 要交📑，而且好多校內部門都要求學生用指定VPN嚟交功課所以屋企嘅網速同VPN都非常重要！趁早set好VPN😎到時交功課嘅時候就唔會咁panic啦😉
4. 英語能力評估✍️
通常啱啱入學嗰陣大學都會要求準新生完成一個英語能力評估📑，如果你有考到IELTS／DSE英文達到一定程度嘅話就有機會豁免👋。 亦有啲大學嘅英語能力評估係作將來成績參考嘅一部份，如果國際學生因為語言障礙而成績唔理想，分數就可以有機會寬鬆處理😼
5. 融入學校社區🤝
如果已經做晒以上幾點，就即刻去參加唔同嘅Orientation啦🥳！除咗學生會嘅Orientation之外，唔同Clubs & Society都會舉辦自己嘅camp同event🤪。澳洲八大都有香港學生會，Roodies不妨去吓！嚟到外國，有人同到你講廣東話真係好難得😭！
6. 了解學校學習資源📙
唔同嘅大學都會有自己一套嘅referencing style同essay writing skills🧐如果對呢啲冇經驗或者擔心自己跟唔上大學模式嘅話，可以上學校官網睇吓有乜嘢學習資源提供🧑🏼💻唔少大學都有Academic skills team，佢哋可以幫你適應essay writing format，個度仲有好多唔同類型嘅資源可以幫到你📙，例如喺網上已經搵到嘅教學影片／1:1 workshops🤓
7. 住宿🏘️
至於過到嚟澳洲嘅Roodies就仲有兩樣嘢等緊你，其中一個就係住宿啦🏡！ 喺澳洲嘅住宿不外乎幾個選擇：學校宿舍，私人學生宿舍，租屋或同host family住。小編之前都有出過關於澳洲住宿嘅post 😙，想睇更多關於澳洲住宿嘅資訊就可以睇返👉澳洲住宿全方位大解構 (內含Homestay, Sharehouse, 學生宿舍, 租屋經驗分享)！
8. 開户口🏦
對於初嚟報到嘅Roodies最後同最緊要嘅嘢就係喺度開戶口啦🏦，而家普遍開銀行戶口都已經可以喺網上進行，過程方便快捷，亦唔使親身過到嚟澳洲先搞👻。小編都係出發之前就已經上網申請咗😎！不過記住要去信譽度高嘅銀行🔎喺澳洲最出名嘅係Comm Bank、ANZ、NAB，如果想要香港有分行嘅話澳洲都有HSBC同BoC，辦理手續上嚟都容易得多🤪
每次開始新學期，小編都會莫名其妙咁又擔心😣又興奮🤪唔知你哋會唔會呢？不過只要做足呢幾樣嘢，就可以減少啲擔心，盡情咁享受新學期啦🥳！想知多啲嘅話，記住去學校網頁睇清楚新學期需要啲咩同埋mark低重要日子啊😌
記得Follow/Share我哋 Facebook 同 Instagram!!!
IG: @kongaroo_au
FOOD IG: @kongaroo_food
Comments